Parlamenti miratoi sot përbërjen e Komisionit të Posaçëm Parlamentar të Reformës Zgjedhore.
Për këtë komision u dhanë 90 vota pro të maxhorancës dhe opozitës së re, ndërkohë që mori dhe një votë kundër dhe një abstenim nga deputetët e rinj.
Komisioni i Posaçëm i Reformës Zgjedhore do të drejtohet nga Damian Gjiknuri dhe Rudina Hajdari si bashkëkryetar.
Ndërkohë që këtij komisioni i janë shtuar dy pjestarë të rinj, pra nga 10 anëtar siç ishte parashikuar në fillim, sot është bërë me 12 anëtarë.
Gjatë kësaj senace, deputetja Rudina Hajdari tha se opozita e re ka arritur një sukses, pasi ka futur në axhendën e këtij komisioni, ndryshimin e sistemit elektoral, kurse Taulant Balla u shpreh se PS do të ketë një kusht të vetëm në punën e këtij komisioni, atë të përfshirjes në diskutim të votës së emigrantëve.
Anëtarët e Komisionit:
PARTIA SOCIALISTE
Damian Gjiknuri Bashkëkryetar
Bashkim Fino Anëtar
Alket Hyseni Anëtar
Klotilda Ferhati Anëtar
Blerina Gjylameti Anëtar
Vasilika Hysi, Anëtare
GRUPI PARLAMENTAR DEMOKRAT
Rudina Hajdari, Bashkëkryetar
Mylym Murrizi Anëtar
Andi Përmeti Anëtar
Korab Lita, Anëtar
GRUPI PARLAMENTAR I PAVARUR
Nimet Musai Anëtar
Ralf Gjoni Anëtar
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
