Guvernatori i gadishullit i emëruar nga Moska raportoi për një shpërthim në një depo municionesh në Krime, pas një sulmi ukrainas me dronë, ndërsa urdhëroi evakuimin e banorëve. “Pas sulmit me dronë në rajonin Krasnogvadisky, një shpërthim ndodhi në një depo municionesh”, tha Sergei Aksyonov në një postim në Telegram. Guvernatori tha gjithashtu se kishte urdhëruar evakuimin e banorëve dhe është ndaluar trafiku hekurudhor. Ky sulm vjen pasi një sulmi me dron goditi urën që lidh Krimenë me Rusinë në orët e para të së hënës, duke shkaktuar dëme të konsiderueshme në një pjesë të strukturës që transportonte trafikun rrugor. Të mërkurën, një depo municioni u godit në lindje të territorit, duke bërë që autoritetet të evakuojnë mijëra njerëz që jetonin aty pranë. Raportet e pakonfirmuara sugjeruan se sulmi mund të ishte kryer duke përdorur një raketë Storm Shadow. Dhe të enjten, një person u vra kur një dron ukrainas goditi katër ndërtesa administrative në veriperëndim të Krimesë, thanë autoritetet e mbështetura nga Rusia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
