Gazetari Sokol Bregu në MCN Live ka komentuar për punën e SPAK dhe Dumanit në veçanti për të cilin u shpreh se e vlerëson punën e tij si një prokuror special dhe se nuk e beson se ai është i kapur nga politika.
Ai tha se sa i përket hetimit të politikanëve është vërtete e vështirë sepse ngrihet akuza por duhet provuar, teksa theksoi se sot SPAK ka një mbështetje të madhe nga qytetarët.
Ka një problem, shoh që një pjesë e madhe kanë vërejtje ndaj SPAK dhe Dumanit personalisht, unë kam një tjetër qasje. E vlerësoj punën e tij si një prokuror special dhe e besoj kur dikush ngre diskutime ndaj punës së Dumanit, i kuptoj mirë dhe kritikat, por në qasjen e të gjithë veprimtarisë së tij që ai kryhen ne kemi parë një ndryshim shumë të madh në këtë vend. Nuk besoj se Dumani është i kapur nga ndonjë politikan, se besoj se ai merr urdhra nga politika për një veprim apo për një tjetër.
E kam fjalën për Dumanin, nuk mendoj se ka një histori të tillë. Sa i përket pastaj mënyrës së disa çështjeve të veçanta mendoj se në këtë lloj forme e ka parë të arsyeshme Dumani, se di se në cilën pikë, por ai e tha qartë se ne do i shohim politikanët, por me ata ka një vështirësi sepse ti e nge akuzën por duhet ta provosh dhe duke qe se kjo është shumë e vështirë i çon pastaj në shpërdorim detyre. E kam bindjen që vlera që aktualisht ka SPAK është e lartë dhe ka një mbështetje të jashtëzakonshme nga qytetarët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
