Aleatët e NATO-s po i japin Ukrainës mbështetje të paprecedentë financiare, humanitare dhe ushtarake për ta ndihmuar atë të mbizotërojë si një komb sovran dhe i pavarur. Dhe ne do të qëndrojmë me Ukrainën për aq kohë sa të duhet.
Kështu deklaroi sekretari i përgjithshëm i Aleancës Atlantike, Jens Stoltenberg, duke folur në samitin “Grain from Ukraina” në kuadër të takimit ministror të mërkurën.
“Nëntëdhjetë vjet më parë Holodomori i tmerrshëm i Bashkimit Sovjetik vrau miliona ukrainas. Sot Rusia jo vetëm që përdor bomba dhe plumba për të kërcënuar lirinë dhe sovranitetin e Ukrainës, por gjithashtu po përdor gazin dhe grurin si armë për të na përçarë dhe destabilizuar të gjithëve. Rusia duhet të ndalojë luftën e saj”, theksoi Stoltenberg.
Më tej Stoltenberg tha se nëse ne e lëmë Putinin të fitojë, ne të gjithë do të paguajmë një çmim shumë më të lartë, për shumë vite që do të vijnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
