Rusia sulmon me dron një ndërtesë në Odessa, raportohen të vdekur dhe të plagosur

Rusia sulmoi qytetin jugor të Odessa-s gjatë natës, duke vrarë dy persona dhe duke plagosur të paktën katër të tjerë.

Lajmin e bëri me dije Shërbimi Shtetëror i Emergjencave i Ukrainës, duke cituar gazetën Kyiv Independent. 

Sulmi me dron goditi një ndërtesë 21-katëshe, duke shkaktuar një zjarr në katin e shtatë, të tetë dhe të nëntë, duke i lënë banorët të bllokuar në apartamentet e tyre. 

Ekipet e shpëtimit shpëtuan pesë persona, përfshirë një fëmijë të vogël. 

“Dy persona, një çift i martuar, u vranë në sulm”, tha Guvernatori i Oblastit të Odesës, Oleh Kiper.

Të paktën katër civilë të tjerë u plagosën, dy prej tyre fëmijë, njëri 7 vjeç dhe tjetri 3 vjeç. Të dy po trajtohen në mjedise mjekësore, tha Kiper.