Vrasje apo vetëvrasje? Policia e nuk është tërhequr zyrtarisht nga versioni vetëvrasjes për ngjarjen në Shëngjergj, megjithatë në mëngjesin e kësaj të shtune u arrestua personi tretë për kultivimin e kanabisit dhe moskallëzim për Besnik Pudjen, që u gjet aty pa jetë.
Ngjarja e datës 7 Tetor, në Shën Gjergj ku u gjet i vrarë Besnik Pudja ka çuar në pranga edhe një tjetër person, që dyshohet se ka pasur dijeni për krimin. Oficerët e Komisariatit të Policisë Nr 4, kanë bërë të mundur kapjen e shtetasit të shpallur në kërkim, Halit Dusha, 37 vjeç, banues në Tiranë. Personi ka qenë i shpallur në kërkim pasi dyshohet se ka pasur dijeni për rrethanat e vrasjes së shtetasit Besnik Pudja. Dyshohet se ai në bashkëpunim me Besnik Pudjan dhe disa persona të tjerë janë autorë të dyshuar për kultivimin e 2889 bimëve të dyshuara narkotike të llojit Cannabis Sattiva, në fshatin Urë, Kollagjesh. Nga Specialistët e Komisariatit të Policisë Nr 4, po punohet për identifikimin e personave të tjerë të përfshirë në këtë veprimtari kriminale. Sipas materialeve që i kaluan Prokurorisë pranë Gjykatës së Shkallës së parë Tiranë, Dusha akuzohet për veprat penale të “Kultivim të bimëve narkotike" e kryer në bashkpunim dhe "Mos kallzimit të krimit",
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
