Një paciente amerikane besohet të jetë personi i tretë në botë dhe gruaja e parë që shërohet nga HIV, virusi që shkakton SIDA-n. Pacientja që po trajtohej për leuçemi mori një transplant të qelizave staminale nga dikush me rezistencë natyrale ndaj virusit që shkakton SIDA-n.
Që prej 14 muajsh gruaja nuk ka më shenja të virusit.
Por ekspertët thonë se metoda e përdorur e transplantit, që përfshin gjakun e kordonit umiblikal, është shumë e rrezikshme për të qenë e përshtatshme për shumicën e njerëzve me HIV.
Rasti i pacientit u prezantua në një konferencë mjekësore në Denver të martën dhe është hera e parë që kjo metodë është përdorur si një kurë funksionale për HIV-in.
Pacientja mori një transplant të gjakut të kordonit umbilikal, si pjesë e trajtimit të saj të kancerit, që atëherë nuk ka pasur nevojë të marrë terapinë antiretrovirale të nevojshme për trajtimin e HIV.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
