Edhe pse nuk ka patur raste të mpiksjes së gjakut pas injektimit me vaksinën AstraZeneca në Shqipëri ekspertët janë duke trajtuar rastet e shenjave që janë shkaktuar pas marrjes së kësaj vaksine.
Kryetarja e Komitetit të Ekspertëve për Vlerësimin e Efekteve të Padëshiruara Pasvaksinore, Gjeorgjina Kuli tha se deri më tani nuk ka asnjë rast me efekte anësore, por vetëm dhimbje në vendin e injektimit, temperaturë dhe efekte minimale.
Mjekja pediatre thotë se situata paraqitet e stabilizuar te fëmijët me Covid 19, ku janë të shtruar 4 fëmijë, ndërsa shton se tani po qarkullojnë viroza të fëmijët por pa probleme shqetësuese.
Kuli sqaron se situata epidemiologjike duhet të mbahet nën kontroll në këtë ditë që ka patur më shumë grumbullime masive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
