Një shpërthim me tritol për motrat Nikolli në Elbasan rreth 3 muaj më parë, i mori jetën 29-vjeçarit Enea Thomaraj.
Burime bëjnë me dije se i riu ka ndërruar jetë, pasi mbeti i plagosur rëndë nga shpërthimi i 14 korrikut në banesën e motrave Xhovana dhe Alda Nikolli.
Thomaraj ndërroi jetë në spitalin e Traumës dhe nuk ia doli dot betejës gati 3 mujore për t’u shpëtuar plagëve që mori padrejtësisht nga një shpërthim që nuk ishte shënjestër.
Shpërthimi ndodhi më 14 korrik 2024, në katin e katërt të një pallati në lagjen "Haxhias" të Elbasanit, aty ku banonin edhe dy motrat, të cilat si porositës të shpërthimit me tritol kanë akuzuar të penduarin e drejtësisë Nuredin Dumani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
