Gjatë ditës së djeshme, u zhvillua protesta e 42-të para Bashkisë së Tiranës.
Protestuesit, ashtu siç e kishin njoftuar, bllokuan rrugën, duke shprehur se ishte një provokim nga policia që nuk kishte bllokuar rrugën për një protestë të paralajmëruar.
Në njoftimin e sotëm të policisë, bëhet e ditur se pas protestës janë referuar materialet në Prokurorinë pranë Gjykatës së Shkallës së Parë, të Juridiksionit të Përgjithshëm Tiranë, për shtetasit D.T, A.K, K.B, E.E dhe T.B.
Sipas policisë, këta shtetas, në bashkëpunim me persona të tjerë ende të paidentifikuar, kanë organizuar një protestë të paligjshme, duke bllokuar rrugën, penguar qarkullimin e lirë të qytetarëve dhe duke prishur rendin dhe qetësinë publike.
Materialet procedurale i kaluan Prokurorisë për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
