Organizata Botërore e Shëndetësisë paralajmëron se vaksinat nuk janë “plumb magjik” për krizën e koronavirusit.
Ndërkohë që Rusia nisi të vaksinojë punonjësit e sistemit shëndetësor të shtunën dhe vendet e tjera po përgatiten për programe të ngjashme, OBSH thotë se është e gabuar të mendohet se kriza Covid-19 mund të marrë fund me ardhjen e vaksinës, një vit pas fillimit të pandemisë që ka vrarë 1.5 milion njerëz në të gjithë botën.
"Vaksina nuk është e barabartë me zero Covid", tha drejtori i urgjencave të OBSH, Michael Ryan, duke shtuar se jo të gjithë do të kenë akses në të në fillim të vitit të ardhshëm.
Drejtori i Përgjithshëm i OBSH-së, Tedros Adhanom Ghebreyesus, paralajmëroi kundër "perceptimit në rritje se pandemia ka mbaruar", ndërkohë që virusi po përhapet shpejt, duke ushtruar presion të madh mbi spitalet dhe punonjësit e kujdesit shëndetësor.
Zyrtarët shëndetësorë në Moskë thanë se ata kanë hapur 70 qendra vaksinimi në kryeqytetin rus.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
