Një ngjarje e rëndë ka ndodhur mesditën e sotme në Tiranë, ku një punonjës i Policisë së Burgjeve dyshohet se i ka dhënë fund jetës me armë zjarri.
Ngjarja ka ndodhur rreth orës 11:00, në rrugën “Shefqet Musarai”, ku shtetasi G. A., 48 vjeç, është gjetur i pajetë në banesën e tij.
Dyshohet se ai është vetëvrarë me një armë zjarri tip pistoletë.
Rreth orës 11:00, në rrugën “Shefqet Musarai”, dyshohet se është vetëvrarë me armë zjarri pistoletë në banesë shtetasi G. A, rreth 48 vjeç, punonjës policie i burgjeve.
Grupet hetimore ndodhen në vendngjarje dhe po punojnë për të zbardhur rrethanat e plota të kësaj ngjarjeje tragjike.
Gazetari Besmir Pula në një lidhje me studion e lajmeve të MCN Tv tha se pista e vetme ku po hetohet është vetëvrasja, ndërsa bëri me dije se 48-vjeçari kishte disa muaj që ishte divorcuar.
Burime nga policia bëjnë me dije se bëhet fjalë për punonjësin e burgut 313 ndërsa nga ana tjetër kishte disa vite që ishte pjesë e strukturave të Drejtorisë së Burgjeve, fillimisht si punonjës i policisë së burgjeve në disa burgje, duke nisur nga burgu i Vaqarrit, burgu i Shkodrës, edhe më pas në 313. Prej 3 vitesh kishte marrë gradën e oficerit. Burime nga komisariate nr. 2 bëjnë me dije se hetimet janë përqendruar në pistën e vetëvrasjes. Prej disa muaj 48-vjeçari ishte i divorcuar nga bashkëshortja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
