Inspektorati Kombëtar i Mbrojtjes së Territorit (IKMT) ka gjobitur me 2 milionë lekë subjektin Sh. Mulosmani, pasi u konstatua se po shfrytëzonte materiale inerte nga shtrati i lumit të Valbonës në kundërshtim me legjislacionin në fuqi.
Pas verifikimeve në terren, të kryera pas denoncimeve për ndërhyrje të paligjshme, IKMT vendosi gjithashtu pezullimin e aktivitetit të subjektit deri në pajisjen me lejen përkatëse.
Inspektorati Kombëtar i Mbrojtjes së Territorit verifikoi në terren denoncimet mbi kryerjen e aktivitetit të paligjshëm në shtratin e lumit të Valbonës.
Gjatë inspektimit të kryer u konstatua se subjekti Sh.Mulosmani po kryente shfrytëzim të materialeve inerte nga shtrati i lumit në kundërshtim me përcaktimet ligjore.
Për shkak të shkeljeve të konstatuara, IKMT mori masë administrative me gjobë në vlerën 2,000,000 lekë dhe pezullim të aktivitetit deri në pajisjen me lejen përkatëse sipas legjislacionit në fuqi. Subjekti u ngarkua me detyrimin për të korrigjuar shkeljet e konstatuara dhe eleminimin e pasojave të tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
