Si kryeministri izraelit Benjamin Netanjahu ashtu edhe terroristët e Hamasit duhet të gjykohen nga Gjykata Ndërkombëtare Kriminale (ICC), tha të hënën politikanja spanjolle Ione Belarra.
Duke folur në cilësinë e lideres së "Podemos", partneres së koalicionit qeverisës, Ministrja për të Drejtat Sociale tha: “Izraeli po kryen një gjenocid të planifikuar” në Gaza duke lënë qindra mijëra palestinezë pa ujë, ushqim dhe energji elektrike, pretendoi Belarra, duke e përshkruar këtë si një shkelje të rëndë të ligjit ndërkombëtar dhe një krim të mundshëm lufte".
Ajo gjithashtu akuzoi Izraelin për "hipokrizi të papërshkrueshme" për atë që ajo e përshkroi si përdorimin e vrasjeve të tmerrshme të civilëve nga Hamasi për të justifikuar mizoritë e veta, si në përgjithësi ashtu edhe kundër Gazës në veçanti.
Në një video-mesazh pesëminutësh të transmetuar në mediat sociale, Belarra e konsideroi qeverinë e Netanyahut për "aparteid dhe pushtues" të palestinezëve, të inkurajuar dhe mundësuar nga SHBA dhe BE.
Duke folur në emër të partisë së saj, Belarra kërkoi hapjen e menjëhershme të një korridori humanitar, me anë të të cilit civilët mund të largoheshin nga Gaza të sigurt, ndërsa ekuipazhet e ndihmës dhe të shpëtimit të hynin për t'u marrë me pasojat e bombardimeve izraelite.
"Podemos do t'i kërkojë zyrtarisht partnerit të tij të koalicionit, Partisë Socialiste të Kryeministrit Pedro Sanchez, t'i bëjë peticion ICC-së për të hetuar Hamasin dhe Netanyahun për krime lufte", shtoi ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
