Sulejman Starova në emisionin “Skaner” në MCN TV, deklaroi se Shqipëria u shfaq si një skuadër e madhe në anën defensive ndaj Spanjës. Sipas Starovës, ekipi kombëtar po rritet dhe pozicionet janë të dubluara.
Starova u shpreh se kuqezinjtë tashmë kanë lojtarë cilësorë dhe do të kërkohet rezultatet.
Ka dallim miqësorja dhe ndeshja zyrtare. Nëse do na duheshin pikë, nuk do e fuste Roshin aty trajneri ndaj Spanjës në fund. Kur erdhi Reja filloi të merrej me mbrojtjen. Ndeshja me Spanjën tregoi se në fazë defensive, u shfaqëm si një skuadër e madhe. Ekipi po rritet. Po na rriten edhe lojtarët. Broja e ka bërë kohët e fundit diferencën, presim ta bëjë edhe Uzuni me Cikalleshin.
Kemi 6 sulmues. Kemi lojtarë cilësorë dhe Kombëtares tashmë do i kërkohet rezultat. Në mesfushë ishim vetëm me 3 lojtarë, tani janë dubluar pozicionet. Tani është momenti që ne të kemi pretendime për rezultat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
