Ish-Këshilltari amerikan për sigurinë John Bolton në një intervistë për “Kathimerini” tha se ish-Presidenti Donald Trump e mendon seriozisht tërheqjen nga NATO.
“Mendoj se Trump është shumë serioz në lidhje me tërheqjen nga NATO. Unë e përshkruaj në librin tim ‘Dhoma ku ndodhi’ skenën në samitin e NATO-s në Bruksel në 2018, ku ai ishte aq pranë tërheqjes dhe në fund nuk e bëri. Por ai kurrë nuk i ka ndryshuar pikëpamjet e tij që atëherë. Dhe këto komente më të fundit, mendoj se janë vetëm një reflektim i mëtejshëm në publik se ai ndjen shumë fort për të për shumë arsye”, shprehet Bolton.
“Natyrisht, këto deklarata që lumturojnë rusët dhe shumë dekurajuese për anëtarët e NATO-s duke pasur parasysh se Trump ka të ngjarë të jetë kandidati republikan për president. Gjithsesi jemi edhe një vit larg dhe nuk ka asnjë garanci se do të zgjidhet. Nga ana tjetër, nuk mendoj se, sinqerisht, Evropa është e aftë të mbrohet pa qenë SHBA në NATO”.
Bolton theksoi se NATO do të shembej pa praninë e SHBA-ve.
“Mendoj se vendi më i prekur do të jetë Ukraina, sepse Putini, nëse sheh tërheqjen e Trump nga NATO, do ta dijë se koha është në anën e tij dhe se ndërsa koherenca e NATO-s fillon të shpërbëhet, pozicioni i tij në Ukrainë do të forcohet”, shton ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
