Pesë shqiptarë të moshës 25-39 vjeç janë arrestuar nga policia e Milanos në Itali, për vrasjen e dy kushërinjve shqiptarë nga Lezha. Tre prej të arrestuarve janë vëllezër, që sipas hetimeve dyshohet të jenë të lidhur direkt me vrasjen e kushërinjve Lleshaj.
Mediat italiane shkruajnë se pas disa muajsh hetime dhe lëvizjesh të të dyshuarve në veri të Italisë, Shqipëri dhe Belgjikë, policia i ka arrestuar nëAltopascio, Zagaloro dhe Lier (Belgjikë), në përpjekje për t’i shpëtuar drejtësisë italiane, por edhe asaj të Kanunit.
Vrasja e dy kushërinjve Lleshaj në 10 nëntor 2016 tronditi komunitetin shqiptar në Canegrate.
Alban dhe Agron Lleshaj u gjetën të vdekur në një nga rrugët e zonës ku banonin. Ngjarja që fillimisht u duk si aksident rezultoi se kishte qenë një vrasje e dyfishtë për shkak të konflikteve mbi kontrollin e territorit mes bandave kriminale të shpërndarjes së drogës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
