Gloria Trevisan dhe Marco Gottardi janë dy të rinj italianë që humbën jetën në zjarrin që përfshiu kullën “Grenfell” në Londër. Çifti i arkitektëve të sapodiplomuar jetonin prej tre muajsh në një prej aparatamenteve të kullës që u shkrumbua nga zjarri pak ditë më parë në kryeqytetin britanik.
Pasi e kanë parë se flakët po ngjiteshin në katin e 23-të, ku ata jetonin, dhe nuk kishin asnjë mundësi shpëtimi, dy të rinjtë u kanë telefonuar familjeve për lamtumirën e fundit.
“Faleminderit për gjithçka ke bërë për mua”, kanë qenë fjalët e Glorias për nënën e saj.
“Fillimisht u përpoq të na qetësonte, duke thënë se gjithçka ishte nën kontroll, por më pas, në telefonatën e dytë, tha se tymi ishte përhapur gjithandej dhe flakët po ngriheshin lart. Nuk mund ta heq nga mendja zërin e tij”, thotë babai i Marco-s.
Gloria Trevissan, 27 vjeçe, kishte përfunduar studimet master për arkitekturë në Universitetin e Venecias vitin e kaluar. Ajo postonte shpesh foto të Londrës, të kapur nga dritarja e apartamentit. / Daily Mail / Përgatiti: Gazmira sokoli /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
