Maqedonia e Veriut, Zaev dhe opozita ulen në bisedime për qeverinë teknike

Qeveria teknike ul në tryezën e bisedimeve qeverinë dhe opozitën e Maqedonisë së Veriut.

Kryeministri i Maqedonisë së Veriut, Zoran Zaev, do të takohet të shtunën me liderin opozitar, Hristian Mickoski për konsultime paraprake.

Opozita pritet të bëjë propozimin e saj për ministrin e Punëve të Brendshme dhe ai pritet të pranohet nga pushteti (dy partitë më të mëdha).

Në takimin e liderëve tek presidenti, Stevo Pendarovski, u arrit marrëveshje që më 12 prill të mbahen zgjedhje të parakohshme parlamentare.

Kjo do të thotë që qeveria teknike duhet formuar 90 ditë para zgjedhjeve, pra më 3 janar.

Një ditë më parë, kryeministri Zaev paralajmëroi opozitën se nëse nuk ofron bashkëpunim për miratimin e ligjeve që kanë të bëjnë me rrogat, pensionet dhe investimet, zgjedhjet mund të shtyhen.