Policia e Kosovës ka publikuar fotot e dy personave që dyshohet se kanë kryer vrasjen e Oliver Ivanoviçit, ngjarje e ndodhur më 16 janar 2018 në Mitrovicën e Veriut.
Policia e Kosovës kërkon nga qytetarët e Republikës së Kosovës që kanë informacion të bashkëpunojnë për identifikimin dhe kapjen e dy të dyshuarve.
Lideri i Iniciativës Qytetare "Serbia, Demokracia dhe Drejtësia", Oliver Ivanoviç, u qëllua për vdekje me armë zjarri në Mitrovicë, rreth orës 8:15 të mëngjesit.
Vrasësit qëlluan mbi të në momentin që po hynte në zyrën e tij dhe më pas u larguan me një makinë, e cila pak më vonë u gjet e djegur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
