Gazetari Edi Ruçi në një lidhje me MCN Live nga Himara bëri me dije se kandidati socialist për Bashkinë Himarë, Vangjel Tavo e ka nisur fushatën e tij elektorale në zonat që cilësohen si pika të dobëta për PS-në. Nga ana tjetër, Petro Gjikuria e ka nisur fushatën e tij me një sërë denoncimesh në zonat ku ndër vite ka pasur mbështetje.
Vangjel Tavo dhe Petro Gjikuria kanë nisur takimet elektorale. Goro e ka nisur fushatën nga fshatrat që e kanë votuar ndër vite Omonia-n, PBDNJ, apo edhe PD me aleatët, siç janë Himara Dhërmiu, Palasa.
Tavo e ka nisur fushatën në zonat e cilësuara si pika të dobëta, në zonën e Dhërmit. Kanë nisur takimet në fshatra. Tavo duke shpalosur sukseset e qeverisë dhe investimet e Bashkisë Himarë, ndërkohë Gjikuria ka denoncuar një sërë problemesh që ekzistojnë ende në Himarë. Në Himarë e vetmja gjë që dëgjon gjithë ditës është problemi i pronave. Ka mungesë të ujit të pijshëm, mungesë të infrastrukturës.
Pjesa më kritike është braktisja e shumë fshatrave si Shën Vasili, Nivica, Piluri të cilët kanë pësuar një rënie drastike të popullsisë. Në Nivicë nga 1 mijë banorë tani janë 250. Ka rënie drastike në vitet e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
