Pronari i një lokali në Durrës, i cili ishte shpallur në kërkim pasi kishte bërë ndërhyrje në biznesin e tij dhe për pasojë u shemb pallati 6-katësh nga tërmeti i 26 nëntorit, ka rënë në pranga. 44-vjeçari me inicialet A. T., ishte i shpallur në kërkim për veprën penale “Vrasja në rrethana të tjera cilësuese”.
Për këtë shtetas, Gjykata e Shkallës së Parë Durrës ka caktuar masën e sigurisë “Arrest në burg “, pasi dyshohet se nga ndërhyrjet që ka bërë në biznesin e tij lokal, në lagjen nr. 6 dhe nga tërmeti i datës 26 nëntor të vitit të kaluar është shembur pallati 6-katësh dhe si pasojë humbën jetën 2 shtetase.
Materialet i kaluan Prokurorisë së Rrethit Gjyqësor Durrës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
