Dita Botërore e Meteorologjisë festohet çdo 23 mars për të përkujtuar themelimin e Organizata Botërore Meteorologjike (WMO) më 23 mars 1950.
Kjo ditë thekson rolin kyç të shërbimeve meteorologjike në sigurinë dhe mirëqenien e shoqërisë, si dhe në luftën kundër ndryshimeve klimatike.
Qëllimi kryesor i kësaj dite është ndërgjegjësimi për rolin thelbësor të shërbimeve hidrometeorologjike në reduktimin e rreziqeve nga fatkeqësitë natyrore, si dhe rëndësinë e parashikimit të motit.
Çdo vit, kjo ditë fokusohet në një temë të veçantë, e lidhur shpesh me klimën, ujin apo rreziqet natyrore.
Mesazhi kryesor mbetet rritja e ndërgjegjësimit për mbrojtjen e mjedisit dhe përdorimin e qëndrueshëm të burimeve ujore, shpesh në ndërlidhje edhe me Ditën Botërore të Ujit.
Rëndësia e kësaj dite lidhet me faktin se Konventa e WMO u nënshkrua më 11 tetor 1947 dhe hyri në fuqi më 23 mars 1950, duke krijuar një rrjet global për shkëmbimin e të dhënave meteorologjike.
Dita shënohet me aktivitete të ndryshme që vlerësojnë punën e meteorologëve, të cilët janë në vijën e parë të veprimit ndaj sfidave klimatike.
Ndërkohë, Instituti i Hidrometeorologjisë i Republikës së Shqipërisë u themelua në vitin 1962.
Më herët, në vitin 1949, ishte krijuar Drejtoria e Shërbimit Hidrometeorologjik në varësi të Institutit të Shkencave, ndërsa në vitin 1973, IHM u përfshi në sistemin e Akademisë së Shkencave të Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
