Drejtori i DPSHTRR, Blendi Gonxhja ka dhënë një lajm të mirë nga studio e ‘MCN Live’ për të gjithë shqiptarët se shumë pritet të ndodhë dhe konvertimi i patentave shqiptare me Britaninë. Ai tha se çdo gjë është ezauruar dhe kjo mund të ndodhë shumë shpejt, ndoshta dhe brenda vitit.
Gjërat janë duke funksionuar, nuk konvertohen kot patentat në Greqi, Gjermani dhe Itali. Anglia sapo ka sjellë dokumentacionin, mbyllim punë ditësh dhe njohjen me ta, nuk është zyrtarizuar por po ecim me një praktikë të shpejtë me ta që të bëjmë njohjen sa më shpejtë dhe konvertimin.
Datë nuk kam, por një gjë është e sigurtë që këmbëshpejti nuk vonon, ndoshta dhe brenda vitit. Çdo gjë është gati për njohjen e patentës shqiptare dhe nga Anglia. Çdo gjë është ezauruar, është gati për konvertimin. Dhe me Francën po ecim shumë shpejt, Zvicra po ashtu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
