Shpërthim me tritol në banesën e një polici në Lezhë

Një shpërthim me tritol ka ndodhur në banesën e  Zef Kolës, polic në Lezhë.

Ngjarja ka ndodhur në fshatin Manati rreth orës 02:00 që mëngjesit.

Sipas informacioneve paraprake nga tritoli janë shkaktuar vetëm dëme materiale.

Grupi hetimor ndodhet në vendngjarje.

Njoftimi i policisë: Lezhë / Informacion paraprak

Në fshatin Manati, në porten e e oborrit të banesës së shtetasit  Z. K., rreth 50 m nga godina e banesës, në anë të rrugës kryesore Manati-Lezhë, është vendosur një sasi e dyshuar lëndë plasëse e cila ka shpërthyer duke dëmtuar një seksion të portës.

Në vendngjarje po mbërrijnë specialistë të Njësisë Antieksploziv, për të kryer veprimet përkatëse për përcaktimin e llojit dhe sasisë së lëndës plasëse.

Grupi hetimor në vendin e ngjarjes, vazhdon veprimet hetimore për zbardhjen e plotë të kësaj ngjarje.