Ndërsa varianti Delta i Covid-19 është lloji dominues në SHBA, mjeku i “Capitol Hill” paralajmëroi Kongresin për prani të variantit në ndërtesën e zyrtarëve.
“Varianti Delta është zbuluar dhe në Uashington dhe ndërtesat e Kapitolit”, tha mjeku Brian Monahan në një letër drejtuar stafit të Shtëpisë së Bardhë.
Monahan shkruante se varianti Delta “përfaqëson një rrezik të tmerrshëm për njerëzit e pavaksinuar” dhe u kujtoi anëtarëve dhe stafit që vaksinat janë të disponueshme përmes mjekut të familjes.
Monahan rekomandoi që anëtarët e vaksinuar të Shtëpisë së Bardhë ta konsiderojnë mbajtjen e maskave si një mënyrë për të zvogëluar më tej rrezikun e tyre për t'u infektuar.
"Individët e vaksinuar që kërkojnë të zvogëlojnë më tej rrezikun e tyre ndaj sëmundjes, ose të zvogëlojnë më tej rrezikun e mundshëm të transmetimit të sëmundjes tek anëtarët e rrezikuar të Shtëpisë, mund të marrin në konsideratë veprime shtesë mbrojtëse të tilla si mbajtja e një maske mjekësore kur janë në një turmë ose në ambiente të brendshme ", shkroi ai.
Ndërsa Monahan pranoi që “Qendrat e SH.B.A.-së për Kontrollin dhe Parandalimin e Sëmundjeve” nuk kërkon që njerëzit e vaksinuar të mbajnë një maskë në ambiente të brendshme, "zhvillimet e ardhshme në kërcënimin lokal të variantit të Deltas mund të kërkojnë mbajtjen e maskës për të gjithë".
Monahan vuri në dukje se "disa anëtarë të stafit të Kongresit të vaksinuar" kanë rezultuar pozitivë.
Republikani i Florida Vern Buchanan doli pozitiv pasi u vaksinua me të dyja dozat. Është ende e panjohur nëse ata ishin infektuar me variantin Delta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
