Babai i 22-vjeçarit që i dha fund jetës në burgun e Rrogozhinës rrëfen arsyen që e shtyu të birin të merrte vendimin fatal. Estref Halili ishte në gjendje të rënduar psikologjike pasi ishte arrestuar në dhjetor të vitit të shkuar për posedim të një sasie të vogël kanabisi dhe një thikë.
Babai i tij, Ardian Halili, akuzon autoritetet për vdekjen e të birit.
“Vetëvarja e Estrefit erdhi për shkak të ngarkesës psikologjike. Estrefi nuk e ka mbushur vitin që doli nga burgu. U kap me 3 gramë hashash që po e pinin shokët e tij. Estrefi mori përsipër veprën penale dhe u dënua me 3 vite burg. U lirua në shkurt, por u kap sërish me një cigare hashash më 22 dhjetor. Më 27 dhjetor e dërguan në Rrogozhinë. Para katër ditësh, Estrefin e takoi djali im i madh. Kur e takoi djali i madh, Estrefi rrinte i heshtur. Këta trafikojnë hashash me kamionë dhe nuk u ndodh gjë, djalin tim e dënuan dy herë për një cigare hashash,” thotë Halili.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
