Ministri i jashtëm rus Sergej Lavrov thotë se Uashingtoni dhe NATO po marrin pjesë në luftën e Ukrainës. Kryediplomati u shpreh se SHBA-të kishin krijuar një kërcënim “ekzistential” për Rusinë nga Ukraina.
Lavrov gjithashtu akuzoi NATO-n se po përpiqet të tërheqë Indinë në atë që ai e quajti një aleancë anti-ruse dhe anti-kineze në një kohë kur ai tha se Perëndimi po përpiqej të shtypte ndikimin rus.
Ai ka akuzuar NATO-n për fillimin e tensioneve pranë Kinës në një mënyrë që paraqet rreziqe për Rusinë.
“Deti i Kinës Jugore po bëhet tani një nga ato rajone ku NATO nuk është kundër tensioneve, siç bënë dikur në Ukrainë, përshkallëzimin e tensioneve”, tha Lavrov në një konferencë për shtyp.
“Ne e dimë se sa seriozisht i merr Kina provokime të tilla, për të mos përmendur Tajvanin dhe ngushticën e Tajvanit, dhe ne e kuptojmë se loja e NATO-s me zjarrin në këto rajone mbart kërcënime dhe rreziqe për Federatën Ruse. Është aq afër brigjeve dhe deteve tona sa territori kinez”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
