Presidenti i sapozgjedhur i SHBA-së, Donald Trump, është duke e “shikuar me kujdes” një propozim për një armëpushim të Krishtlindjeve dhe shkëmbim të të burgosurve midis Rusisë dhe Ukrainës, të paraqitur nga kryeministri hungarez Viktor Orban, ka thënë kandidati i Trump për këshilltarin e sigurisë kombëtare, Mike Waltz.
Orban u takua me Trump dhe Waltz në pronën e presidentit të ardhshëm në Mar-a-Lago të hënën, dy ditë para se të fliste me presidentin rus Vladimir Putin me telefon. Pas bisedës, Kremlini njoftoi se Orban kishte propozuar një armëpushim në ditën e Krishtlindjeve dhe një shkëmbim të të burgosurve në shkallë të gjerë midis Moskës dhe Kievit, dhe se qeveria ruse ishte përgjigjur duke dërguar idetë e saj për shkëmbimin e të burgosurve në ambasadën hungareze në Moskë.
Duke folur për CBS News të dielën, Waltz refuzoi të thoshte nëse Orban i kishte përcjellë Putinit një mesazh nga Trump. Megjithatë, ai tha se administrata në pritje e Trump dëshiron të "ndalojë luftimet" dhe se nëse ka "një lloj armëpushimi si hapi i parë...ne do ta shqyrtojmtë me kujdes".
“Orban ka një angazhim të rregullt me rusët, dhe ai ka një marrëdhënie të mirë me Presidentin Trump, dhe e gjithë bota do të donte të shihte një ndërprerje të luftës,” tha Waltz.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
