Rama mbetet në Singapor, avioni që do të udhëtonte kryeministri pëson defekt

Avioni me të cilin do të udhëtonte kryeministri Edi Rama dhe delegacioni i cili ishte me të nuk ka mundur të udhëtoj drejt Evropës.

Mësohet se shkak për këtë është bërë një avari që ka pësuar aeroplani i linjës Singapor-Frankfurt, në të cilin ishte parashikuar të udhëtonte delegacioni i qeverisë shqiptare.

Për këtë arsye, delegacioni shqiptar ka mbetur në Singapor si pasojë e një defekti në motorin e avionit.   

Sipas parashikimeve, avioni duhet të ishte nisur rreth 3 orë më parë, por fluturimi është anuluar dhe avioni është kthyer në aeroport.   

Për këtë arsye, delegacioni do të udhëtojë drejt Shqipërisë me një ditë vonesë për shkak të avarisë.