Presidenti i një komisioni të ngritur për të hetuar abuzimin e fëmijëve në Kishën Katolike Franceze ka zbuluar se të paktën 3 000 fëmijë kanë rënë viktimë e abuzimit seksual nga klerikët dhe zyrtarët e tjerë të kishës.
Peshkopët katolikë të Francës e ngritën komisionin e pavarur në vitin 2018 për të hedhur dritë mbi abuzimin seksual të kryer nga klerikët francezë, pasi shumë skandale tronditën Kishën në vend.
Presidenti i saj, Jean-Marc Sauve, tha të mërkurën se shifrat paraprake flasin për rreth 1 500 klerikë dhe zyrtarë të tjerë të kishës që kanë kryer abuzime për dekada të tëra.
Komisioni, i cili është i përbërë nga 22 profesionistë të drejtësisë, mjekë, historianë, sociologë dhe teologë, do t’i bëjë publike konkluzionet në fund të vitit.
Në mars, një prift francez u dënua me 5 vjet burg për abuzime seksuale me dhjetëra fëmijë në vitet 1970, 1980 dhe 1990.
Gjatë gjyqit të tij, 74-vjeçari Bernard Preynat pranoi se kishte abuzuar me djemtë ndërsa drejtonte një ekip skautësh në Lyon. Ai i tha trupit gjykues se në atë kohë nuk e kishte kuptuar se sa e rëndë ishte ajo që bënte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
