Departamenti amerikan i Shtetit ka publikuar dje në mbrëmje 1 250 faqe nga llogaria private e e-mail-it të Hillary Clinton pasi po rihetohet nga FBI-ja lidhur me përdorimin e saj të një server privat të e-mail-eve.
Publikimi vjen vetëm disa ditë para zgjedhjeve presidenciale ku Clinton garon kundër republikanit, Donald Trump, i cili ka sulmuar Clintonin lidhur me skandalin e e-mail-eve dhe ka deklaruar se ajo duhet të burgoset për përdorimin e saj të një server privat.
Zëdhënësi i Departamentit amerikan të Shtetit, Mark Toner, tha se “agjencia ka publikuar 1 250 faqe nga 1 850 faqet që kërkohen të publikohen.
Ai sqaroi se numri i diferencuar ishte për shkak të përsëritjes.
Rreth 350 faqe të tjera të e-mail-it të Clintonit është planifikuar të përpunohen sot.
Publikimi u bë pasi çështja e e-mail-eve të Clintonit është rishfaqur edhe një herë në zgjedhjet presidenciale, ku kreu i FBI-së, James Comey njoftoi javën e kaluar se “agjencia është duke hetuar një numër e-mail-esh të reja”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
