Sekretari amerikan i Shtetit, Antony Blinken, ka mbërritur në Izrael nga Egjipti, ndërsa vazhdon përpjekjet e tij për të siguruar një armëpushim në Gaza lidhur me lirimin e pengjeve të mbajtura nga Hamasi.
Ai do të takohet me kryeministrin Benjamin Netanyahu, në një kohë të marrëdhënieve të tensionuara mes SHBA-së dhe Izraelit.
Dje Antony Blinken ishte në Kajro për, siç i quajti, bisedime "produktive" me ministra nga një numër vendesh arabe.
Duke folur në një konferencë shtypi, ai tha se boshllëqet po “ngushtohen” në bisedimet e vazhdueshme që synojnë arritjen e një armëpushimi në Gaza, së bashku me lirimin e pengjeve të mbajtura nga Hamasi.
"Ka ende punë të vështirë për të arritur atje, por unë vazhdoj të besoj se është e mundur," tha Blinken, duke shtuar se SHBA ishte në marrëveshje me aleatët e saj arabë për nevojën për një armëpushim.
Një operacion i madh ushtarak i planifikuar nga Izraeli në qytetin Rafah të Gazës do të ishte "gabim", tha Blinken, duke e quajtur atë "të panevojshëm".
Kryediplomati amerikan i bëri thirrje gjithashtu Izraelit "të bëjë më shumë" për të lejuar më shumë ndihma humanitare në Gaza, ku ai tha se e gjithë popullsia përballet me nivele të rënda të pasigurisë ushqimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
