Policia ka shoqëruar autorin e dyshuar i cili qëlloi me grusht kryedemokratin në mes të protestës në bulevardin "Dëshmorët e Kombit".
Paraprakisht raportohet se bëhet fjalë për Gert Shehun, 31 vjeç, me banim në rrugën "Shyqyri Ishmi" në Tiranë.
Ndërkohë që pas aktit të dhunës ndaj kreut të opozitës dhe kundërpërgjigjes nga truprojat e Berishës, uniformat blu kanë shoqëruar të riun, i cili duket i gjakosur.
Të dhënat lidhur me ngjarjen janë në vijim, ndërkohë që identiteti dhe mosha e të shoqëruarit, vjen në bazë të deklarimeve të dhëna nga vetë i dyshuari.
Po ashtu raportohet se i dyshuari ka punuar më herët si roje në selinë e Partisë Demokratike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
