Vullkani më aktiv në Europë në malin Etna në Sicili ka shkaktuar tërmet me magnitudë 4.8 ballë duke lënë të plagosur 10 persona. Dëme materiale janë shkaktuar në ndërtesat e vjetra si pasojë e lëkundjeve të shumta që u regjistruan, ndërkohë autoritetet njoftuan mbylljen e një autostrade që kalonte përgjatë bregut.
Tërmeti cilësohet si më i fuqishmi në rajon dhe erdhi për shkak të shpërthimit të vullkanit Etna në prag të Krishtlindjes. Hiri vullkanik ishte përhapur në fshatrat e afërta duke bërë që fluturimet nga aeroporti i Catanias të ndalohen përkohësisht.
Instituti Kombëtar i Gjeofizikës dhe Vullkanologjisë njoftoi se tërmeti e ka pasur hipoqendrën në një kilometër thellësi. Epiqendra ndodhej në veri të Catanias, ndërkohë autoritetet njoftuan personat që ndodheshin në male të evakuoheshin dhe disa familje u detyruan të kalonin natën në rrugë. Katër persona raportohet se kanë pësuar lëndime të lehta bënë me dije autoritetet.
Shpërthimi i së hënës ndodhi në anën e malit Etna. Mali Etna me një lartësi 3 300 metra është regjistruar të ketë pasur 2 700 shpërthime ndër vitet e fundit. Shpërthimet e fundit të vullkanit ndodhën në pranverën e vitit 2017 dhe në dimrin 2008/2009. Një studim i publikuar në Buletinin e Vullkanologjisë pohoi se Etna po lëvizte ngadalë drejt Mesdheut - me një ritëm konstant prej 14 milimetra në vit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
