“BE do të ndalojë importin e qymyrit rus në gusht”

Një burim evropian tha për CNN ditën e sotme se ndalimi i importit nga Bashkimi Evropian për qymyrin rus do të hyjë në fuqi në muajin gusht.

Vendet anëtare të BE-së miratuan të enjten në mbrëmje një paketë të pestë sanksionesh kundër Rusisë.

Paketa përfshin ndalimin e importit për të gjitha format e qymyrit rus. Kjo prek një të katërtën e të gjitha eksporteve ruse të qymyrit, duke arritur në rreth 8 miliardë euro humbje të ardhurash në vit për Rusinë, sipas Komisionit Evropian.

Burimi i BE-së tha se ndalimi nuk do të jetë i menjëhershëm, por një largim gradual. Sipas burimit, do të ketë një periudhë katërmujore mbylljeje.

Paketa përfshin gjithashtu mbylljen e porteve të BE-së për anijet ruse dhe ndalimin e eksporteve të produkteve të teknologjisë së lartë në Moskë.