Verë edhe në shtator/ Gjoni: Temperatura mbi mesataren shumëvjeçare, pas datës 10 priten reshje të dobëta

Një shtator me temperatura të larta është parashikimi që sjell IGJEUM.

Meteorologia Anira Gjoni thotë për “MCN Live” se temperaturat e larta të shtatorit pritet të jenë mbi mesataren shumëvjeçare.

Pas datës 10 shtator, ndërkaq, priten reshje të dobëta lokale të shiut. 

Shtatori do të vijojë me temperatura të larta, mbi mesataren shumëvjeçare, siç e tregon edhe ndryshimi klimatik.

 

Vapa do të vijojë përgjatë kësaj jave me temperatura maksimale deri në 36 °C edhe gjatë fundjavës dhe javës që vjen.

 

 Fillimi i javës pritet të shkojë deri në 36°C, ndërsa e marta do të sjellë një ulje të temperaturave të ajrit dhe më pas, pas datës 10, reshje të dobëta lokale.

 

Reshjet në formë shiu do të jenë lokale dhe të dobëta, ndërsa fundi i shtatorit do të jetë me temperatura më të ulëta.