Akuzat për fshehjen e përdhunimit të vajzës nga Fushë-Kruja, Xhisiela Malokut, kanë vijuar edhe sot.
Nga selia blu, deputetja e PD Albana Vokshi pohoi se Rama mbron kriminelët dhe dhunuesit dhe se nën bekimin e tij po mbrohen deputetet Taulant Balla dhe Rrahman Rrahja.
Vokshi ka thelluar akuzat më tej duke thënë se Rama po përdor të njëjtin skenar si me çështjen Habilaj-Tahiri, që nuk mundi ta fshehë për shumë kohë, duke e quajtur Ramën si avokat i krimineleve.
Deklarata e nenkomisarit Emiliano Nuhu, se është kërcënuar pasi ka denoncuar neglizhencën e rastit të përdhunimit të së resë Xhisiela Maloku ka tronditur mbarë opinionin publik, ndërsa akuzat e PD vijojnë prej disa ditësh.
Ndërsa për këtë ngjarje janë paralajmëruar protesta në mbrojtje të vajzës dhe femrave të dhunuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
