Presidenti i Venezuelës, Nicolas Maduro, u bëri thirrje drejtuesve të ushtrisë së vendit të tij të bëhen gati për luftë me SHBA-të, pas vendimit të administratës Trump për të ndaluar hyrjen e zyrtarëve venezuelianë në vend.
“Ne na kanë kërcënuar në mënyrën më të paturpshme nga perandoria më kriminale që ka ekzistuar ndonjëherë dhe kemi obligimin të përgatitemi për të garantuar paqen”, tha ai ndërsa mbante një fjalim para ushtarakëve në përfundim të një stërvitjeje ku përfshiheshin edhe tanked he raketa.
“Ne duhet t’i kemi gati raketat dhe tanket që të mbrojmë çdo centimetër tokë të vendit nëse është nevoja”, tha ai.
Administrata Trump ka marrë masa të ashpra ndaj regjimit të Maduros së fundmi. Ajo ka ndaluar dhënien e huave qeverisë së Venezuelës apo kompanisë së saj shtetërore të naftës PDVSA si edhe ka nvendosur sanksione ndaj vetë Maduros dhe zyrtarëve të lartë të regjimit të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
