Vrasjet në Tiranë e jo vetëm, nisur nga fillim janari kanë mbërritur në parlament. Është deputeti i opozitës Asllan Dogjani i cili nëpërmjet katër kërkesave për interpelancë kërkon që ministri Ervin Hoxha të japë shpjegime.
Vrasja e parë për 2025 u shënua më 4 janar në qytetin e Shkodrës. Ku pas një skenari për të nxjerrë në pritë viktimën plumbat e kallashnikov i morën jetën një të riu.
Viktima e parë do të ishte Ramazan Mataj 33 vjeç, vrasja e tij u bë mbrëmjen e 4 janarit ndërsa pas njoftimit të banorëve të zonës Policia mundi ta gjejë atë të pajetë mëngjesin e datës 5 janar.
Mbrëmjen e 12 Janar 2025 plumbat i morën jetën biznesmenit të mobiljeve Bujar Nasufi.
56-vjeçari me origjinë nga Berati por banues në lagjen “Irfan Tomini” në Tiranë u ekzekutua pak para se të futej në banesë.
E vetmja provë që mund të çojë hetuesit tek autori apo autorët e këtij krimi janë gëzhojat dhe skeleti i motorit të gjetur në kodrat e sharrës në periferi të Tiranës.
Pa u mbushur 24 orë nga atentati në Tiranë. Plumbat do të merrnin një tjetër jetë. Kristjan Marku do të ekzekutohej teksa udhëtonte me mjetin e tij në autostradën Fier- Vlorë mbrëmjen e 13 Janarit. Marku 30 vjeç u vra në afërsi të Novoselës, ndërsa prania e tij në këtë zonë sipas hetuesve dyshohet të jetë një nxjerrje në pritë pasi ai është me origjinë nga qyteti Rubikut.
Vrasja e Markut do të pasohej nga një tjetër krim. Këtë herë sërish në Tiranë në lagjen Zall Bastar. 81 vjeçari Xhemal Meta do të gjendej i pajetë në banesën e tij. Dëmtimet në trup dhe shenjat e dhunës bindën hetuesit për një krim.
Mëngjesi i 24 janarit 2025 do të sillte njoftimin në sallën operative të policisë tiranë se në lagjen Zall Mner pranë Kamzës, një person i pajetë ndodhet në makinë.
Hetuesit mbërritën në vendngjarje dhe dyshimet e para janë ekzekutimi për shkak të hasmërisë së 48-vjeçarit Lulzim Visha me profesion postier.
Kjo situatë ka bërë që deputeti i opozitës të paraqesë në parlament plotë katër kërkesa për interpelancë me ministrin e brendshëm z.Ervin Hoxha.
Edhe pse deri më tani asnjëra nuk është zhvilluar emisioni “FactCheck” ka mësuar se në kalendarin e punimeve pritet data 13 shkurt për interpelancën e kërkuar.
Por çfarë thuhet në këtë kërkesë për interpelancë drejtuar znj. Elisa Spiropali
Znj. Kryetare.
Kohët e fumdit kemi një rritje të veprës penale të vrasjes të kryer në mënyrë mafioze në mes të Tiranës apo në akset rrugore, duke rritur gjendjen e pasigurisë në vend. Ndërkohë konstatojmë dështimin e policisë për parandalimin e tyre si dhe nivelin e ulët të zbulueshmërisë. Prandaj, duke pasur parasysh sa më sipër në cilësinë e deputetit të Kuvendit të Shqipërisë, bazuar në nenin 80, pika 1 të Kushtetutës dhe nenin 96, pikat 1 dhe 2 të Rregullores së Kuvendit.
Kërkoj zhvillimin e një interpelance me Ministrin e Brendshëm z. Ervin Hoxha për të dhënë shpjegime dhe informacione lidhur me sa me lart.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
