Agjensitë humanitare kanë vënë alarmin, pas konfirmimit të rastit të parë të koronavirusit në Jemen, ku vitet e luftës civile kanë shkatërruar sistemet shëndetësore.
Oxfam tha se ishte një "goditje shkatërruese", kurse Komiteti Ndërkombëtar i Shpëtimit e quajti atë një "skenar makthi".
Jemeni po vuan krizën më të keqe humanitare në botë dhe miliona njerëz mbështeten në ndihmën ushqimore.
Sëmundjet, përfshirë kolera e malaria, janë të shumta dhe vetëm gjysma e spitaleve janë plotësisht funksionale, thotë BBC.
Lajmet për rastin e parë Covid-19 erdhën një ditë pasi koalicioni i udhëhequr nga sauditët në luftë me rebelët Houthi në Jemen bëri armëpushim, duke thënë se dëshironte të ndihmonte për të ndaluar përhapjen e koronavirusit dhe të mbështesë përpjekjet e paqes të OKB-së.
Komiteti kombëtar i urgjencës së Jemenit tha të premten se pacienti ishte një burrë 60 vjeç në rajonin jugor të prodhimit të naftës në Hadramaët.
Autoritetet mbyllën shpejt portin ku punon burri dhe u thanë punonjësve të tjerë të izolohen për dy javë, raportoi Reuters.
Rajonet fqinje të Shabëa dhe Al Mahra vulosën kufijtë e tyre me Hadhramout, ku është imponuar një shtetrrethim 12-orësh gjatë natës.
Koordinatorja humanitare e OKB-së, Lise Grande tha se efekti i virusit në Jemen do të ishte "katastrofik" nëse përhapet. Organizata Botërore e Shëndetit (OBSH) tha se po siguronte pajisje mjekësore, kuti testimi, ventilatorë dhe trajnime për shërbimet shëndetësore të Jemenit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
