Kopa Amerika do të transmetohet live dhe ekskluzivisht në ekranin e MCN për teleshikuesit e sportdashësit në Shqipëri.
Kompeticioni më i rëndësishëm i futbollit në kontinentin Latin, starton prej orës 2 të mëngjesit të së premtes, me sfidës Argjentinë-Kanada.
Bardhekaltrit shihen si favoritë për të fituar Kopa Amerikën si kampionë në fuqi të botës.
Më pas të shtunën, Kupa Amerika vijon më sfidën e dytë, përballja mes Perusë dhe Kilit, po në orën 2 të mëngjesit.
Brazili do e nisë aventurën latine të martën, përballë Kosta Rikës.
Spektakli është i garantuar, me ekipe që kanë fituar 10 tituj kampionë bote, dhe yje të mëdhenj të futbollit botëror, që do të ndeshen në 32 ndeshje në turneun i cili përmbyllet me finalen e madhe të Majemit, më 14 korrik.
Ky edicion i 48-të i Kopa Amerika, mbahet në Shtetet e Bashkuara të Amerikës, që do të presë po ashtu Kupën e Botës të vitit 2026.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
