Vitin e kaluar, Donald Trump premtoi se do t'i jepte fund luftës në Ukrainë brenda "24 orësh".
Javën e kaluar, ai tha se kjo nuk do të zgjidhej derisa ai dhe Presidenti rus Vladimir Putin të “takoheshin” dhe ta diskutonin personalisht.
Të hënën, terreni ka ndryshuar sërish. Pas një telefonate dy orëshe me Putinin, ai tha se kushtet e një marrëveshjeje paqeje mund të negocioheshin vetëm midis Rusisë dhe Ukrainës - dhe ndoshta me ndihmën e Papës.
Megjithatë, presidenti amerikan nuk e ka humbur ndjenjën e optimizmit për perspektivën e paqes, duke postuar në mediat sociale se palët ndërluftuese do të “fillonin menjëherë” negociatat për një armëpushim dhe përfundimin e luftës.
Nga ana e tij Putin tha vetëm se vendi i tij është gati të punojë me Ukrainën për të hartuar një "memorandum mbi një marrëveshje të mundshme paqeje në të ardhmen".
Bisedimet për memorandume dhe një "të ardhme të mundshme" paqeje vështirë se duken si një bazë e fortë mbi të cilën mund të ndërtohen shpejt marrëveshje të qëndrueshme.
Putini theksoi përsëri se çdo rezolutë do të duhej të adresonte "shkaqet rrënjësore" të luftës - të cilën Rusia e ka pretenduar në të kaluarën si dëshirën e Ukrainës për lidhje më të ngushta me Evropën.
Në Truth Social pas telefonatës, Trump tha se Rusia dhe Ukraina do të “fillojnë menjëherë negociatat” drejt një armëpushimi, duke shtuar se “kushtet për këtë do të negociohen midis dy palëve”.
Por ekziston mundësia që qëndrimi i fundit i Trumpit ndaj luftës në Ukrainë të jetë një shenjë se SHBA-të përfundimisht do të braktisin tryezën e negociatave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
