Disa orë pas mbylljes së qendrave të votimit për zgjedhjet afatmesme, republikanët avancojnë ngadalë drejt marrjes së kontrollit të Dhomës së Përfaqësuesve, ndërsa Senati qëndron në balancë, ende i varur nga sfidat ballë për ballë si ato në Pensilvani midis zëvendësguvernatorit John Fetterman dhe kirurgut Mehmet Oz dhe në Xhorxhia mes Rafael Warnock dhe ish-kampionit të futbollit, Herschel Walker.
Megjithatë, tani për tani, vala e kuqe te e cila i kishte shpresat Partia Republikane nuk është materializuar dhe demokratët duket se të paktën e kanë shmangur katastrofën.
Sipas të dhënave të fundit të përditësuara, republikanët kanë rrëmbyer gjashtë vende në Dhomën e Përfaqësuesve (vetëm 1 deputet), ndërsa në Dhomën e Sipërme është baraz (46 me 46, me 8 shtete ende për t'u shpallur fituesi).
Frikohet është se ndoshta do të duhen ditë për të patur rezultatet përfundimtare, ndërkohë që rreziku i kaosit të ri dhe çështjeve të reja gjyqësore si ato që kanë kërcënuar republikanët, mbetet eminent.
Dyshimet e para u ngritën nga Donald Trump pas një sërë problemesh teknike që ndodhën në dy shtete të varura, Arizona dhe Michigan. “A po ndodh e njëjta gjë që ndodhi në 2020 me mashtrimin zgjedhor?”, pyeti ai në Truth, duke drejtuar gishtin te mosfunksionimet në Detroit dhe në kontenë Maricopa (që përfshin Phoenix), ku u refuzua një apel i partisë së tij për të shtyrë mbylljen e qendrave të votimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
