Bien nga shtylla e tensionit të lartë, ndërrojnë jetë dy elektriçistë

Një ngjarje tragjike ka ndodhur paraditen e kësaj të marte në Roskovec. Dy elektricistë kanë rënë nga shtylla, duke ndërruar jetë.

Ngjarja është regjistruar sot rreth orës 10:30, në fshatin Jagodinë, Roskovec, te nënstacioni elektrik.

Dy elektricistët ka rënë një shtyllë elektrike e tensionit të lartë, gjatë momentit që ishin duke punuar.

Si pasojë e dëmtimeve të mara, kanë ndërruar jetë të dy punonjësit, shtetasit ​Gjergji Duka, 50 vjeç, banues në Kuçovë dhe Bashkim Saliasi, 64 vjeç, banues në Mallakastër.

Policia dhe grupi hetimor po punojnë për zbardhjen e plotë të rrethanave të ngjarjes.