Kryeministri Edi Rama ka marrë pjesë në një ceremoni e cila është mbajtur për dorëzimin e lipsaneve të Shën Joan Vladimirit. I pranishëm në Elbasan, Rama së bashku me ministren e kulturës Elva Margariti dorëzuan eshtrat e Shën Joan Vladimirit që ndodheshin në fondin e Muzeut Kombëtar.
“Dorëzimi i eshtrave të Shën Joan Vladimirit të cilat zbuluam se ndodheshin në fondin tonë muzeor të Muzeut Kombëtar. Është një gjest simbolik në fakt,”– tha ndër të tjera ministrja Margariti.
“Dorëzimi i lipsaneve të Shën Joan Vladimirit, një çast emocionues në jetën e komunitetit ortodoks të Elbasanit dhe krejt Shqipërisë, falë nxitjes këmbëngulëse të Evisit e Taulantit, në mbështetje të komunitetit e të autoriteteve të Kishës Autoqefale Shqiptare”- shkruan Rama krah pamjeve të publikuara nga vetë ai në profil në Facebook.
Të pranishmit nga autoritetet e Kishës Autoqefale Shqiptare e falenderuan kryeministrin për këtë gjë dhe më pas nisi ceremonia.
“Ku do t’i vendosni,”– pyeti Rama. “Brenda në kishë, kemi një vend që ka qenë varri i tij,”- tha njëri prej anëtarëve të Kishës Autoqefale Shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
