Shkrimtari Marçel Hila i ftuar në emisionin “Të Paekspozuarit” në MCN u shpreh se gjatë regjimit komunist ekzistonin tre lloje dosjesh të cilat ndaheshin sipas funksionit të të akuzuarve.
Ndër të tjera Hila zbuloi se gjatë regjimit komunist shtëpitë e të ashtuquajturve “strehues”, përdoreshin si vendtakime të agjentëve me informatorët.
“Ka tre tipe dosjesh: dosjet e para quhen hetimore/gjyqësore janë rreth 26 mijë dosje të tilla të njerëzve që janë arrestuar; të dytat janë të përndjekjes; dosja agjenturiale kur janë dy persona 2a që punojnë bashkë ose më shumë.
Kanë qenë 3 tipe: informatori, agjenti që menaxhonte informatorët, dhe strehuesi që u siguronte ambientin e takimit. Shtëpitë e njerëzve përdoreshin si vendtakime të agjentëve me informatorët.”, u shpreh Hila.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
