Ish-Presidenti Ilir Meta është marrë në pyetje nga SPAK për vrasjen e 4 protestuesve në 21-Janar 2011.
Për rreth 2 orë e 30 minuta është pyetur si person në dijeni për çështjen, pasi ka mbajtur postin e zëvendëskryeministrit në kohën kur opozita e kohës protestonte në bulevardin “Dëshmorët e Kombit”.
Marrja në pyetje e tij ka ardhur pas kërkesës që ky i fundit ka bërë vetë për t’u pyetur në lidhje me këtë çështje, dosje e cila po hetohet nga prokurori Alfred Shehu.
Prej më shumë se 1 viti ish-Presidenti i Republikës Ilir Meta ndodhet në paraburgim, teksa përballet me disa akuza të ngritura nga ana e SPAK. Më herët për demonstratën e 21 janarit 2011 janë pyetur nga SPAK edhe Sali Berisha, Lulzim Basha dhe Bamir Topi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
