Lideri i Koresë së Veriut, Kim Jong Un, ka thënë se lëshimi i një sateliti zbulues ushtarak në fillim të kësaj jave ishte “një ushtrim i së drejtës për vetëmbrojtje”, njoftuan mediat zyrtare të premten.
Kim tha se posedimi i satelitit do të “frenojë, kontrollojë dhe menaxhojë në mënyrë aktive lloje dhe forma të lëvizjeve të rrezikshme dhe agresive të forcave armiqësore”, raportoi Agjencia Qendrore Koreane e Lajmeve, në një referencë të dukshme ndaj aleancës së Shteteve të Bashkuara, Koresë së Jugut dhe Japonisë.
Udhëheqësi i Koresë së Veriut vizitoi Administratën Kombëtare të Teknologjisë së Hapësirës Ajrore të enjten për të uruar shkencëtarët që kontribuan në lëshimin e satelitit spiun Malligyong-1, raporton Kyodo.
Më herët u raportua se sateliti, i lëshuar të martën, do të fillojë zyrtarisht funksionimin më 1 dhjetor.
Kim tha se sateliti do të kuptojë vazhdimisht “qëllimin dhe lëvizjet ushtarake të forcave armiqësore me rojen tonë hapësinore dhe teleskopin e fuqishëm të shikimit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
