Sulmet ajrore izraelite në aeroportin e Aleppos në veri të Sirisë kanë shkaktuar bllokimin e fluturimeve, ka raportuar agjencia shtetërore siriane e lajmeve Sana, duke cituar një burim ushtarak.
Gjatë më shumë se 12 viteve të luftës civile në Siri, Izraeli ka nisur qindra sulme ajrore në territorin e tij, duke synuar kryesisht forcat e mbështetura nga Irani dhe luftëtarët libanezë të Hezbollahut, si dhe pozicionet e ushtrisë siriane.
Burimi ushtarak tha se pista në aeroportin ndërkombëtar të Alepos u dëmtua pasi "armiku izraelit ndërmori një agresion ajror nga drejtimi i Mesdheut, në perëndim të Latakisë" në orën 4:30 të mëngjesit me kohën lokale.
Izraeli rrallë komenton sulmet që kryen në Siri, por ka thënë vazhdimisht se nuk do të lejojë armikun e tij Iranin të zgjerojë praninë e tij në vend.
Një zëdhënës i ushtrisë izraelite tha: "Ne nuk komentojmë raportet në mediat e huaja".
Suleiman Khalil, një zyrtar i ministrisë siriane të transportit, tha se dëmi përqendrohej në pistën e vetme funksionale, duke shtuar se "skuadrat e mirëmbajtjes do të fillojnë punën e riparimit sot për ta kthyer aeroportin në shërbim sa më shpejt të jetë e mundur".
Fluturimet u devijuan në aeroportet e Damaskut dhe Latakisë, tha ai.
Observatori Sirian për të Drejtat e Njeriut tha se sulmet kishin në shënjestër edhe depot e armëve në aeroportin ushtarak Nayrab ngjitur.
Sulmet izraelite kanë shkaktuar në mënyrë të përsëritur ndalimin e fluturimeve në aeroportet në Aleppo dhe kryeqytetin, Damask, të cilat të dyja kontrollohen nga qeveria.
Lufta e Sirisë ka vrarë më shumë se 500,000 njerëz, ka zhvendosur miliona dhe ka goditur infrastrukturën dhe industrinë e vendit që kur filloi në 2011.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
